الثلاثاء، 18 أكتوبر 2011

ثورتنا تايهة يا ولاد الحلال

ثورتنا تايهة يا ولاد الحلال
كبيرة وعايقة ولابسه خلخال
لابسة  فستان أحمر دم الأبطال
في الميدان صورتها ولها تمثال
نادوا عليها ترجع  تتحسن الأحوال
بدل ما نرجع تاني لركوب الجمال
ثورتنا تايهة يا ولاد الحلال
كبيرة وعايقة ولابسة خلخال
تلقائية ومثالية وللدنيا اروع مثال
وقعت ابراج عالية وهدت جبال
دوروا عليها ورجعوها في الحال
لاجل ما نعيش في حماها رجال
ما تقسموش دا كده شغل بطال
نادوا عليها ترجع تتحسن الاحوال
ثورتنا تايهة يا ولاد الحلال
كبيرة وعايقة ولابسة خلخال
دوروا عليها ورجعوها في الحال
ثورتنا تايهة يا ولاد احلال

ليست هناك تعليقات: