الثلاثاء، 26 نوفمبر 2013

ناشط سياسي



أنا ناشط سياسي
و السبوبة أساسي
لا تقولي دم
ولا تقولي شهدا
دا ملغي من احساسي
انا ناشط سياسي
وفي البطاقة خالي
القرش عمي
والجنيه خالي
ومهما الدنيا تولع
ولا باشغل بالي
انا ناشط سياسي
واحب البرامج مووت
والشهرة والفلوس
واللي يصرخ يصرخ
واللي يموت يموت
هم كلمتين صغيرين
انا من البلد دي
ومحدش يسأل مع مين
انا ناشط سياسي
والقرش عمي
وتاج راسي
انا ناشط سياسي
انا ناشط سياسي
حسام يوسف

ليست هناك تعليقات: